پښتون ژغورني غورځنګ پښتون ژغورني غورځنګ
د پېښور د غيرتي او په قام مئين ولس او ټولو راغلو پښتنو ډېره زياته مننه چې دوۍ په پي ټي ايم باور وکړو، او د رياستي ادارو له طرفه د دړکو ،تنګولو او لارو بندولو باوجود دوۍ دومره په ګڼ تعداد د ملي شهيد ارمان لوڼي په ياد کښې جوړې شوې جلسې ته راغلو.
مونږ د پېښور پي ټی ايم ارګنايزرز هم مننه کوو چې دوي په ډېر کم وخت کې ډېر په شايسته او منظمه او ښه انداز کې جلسه تر سره کړه. او په خصوصي توګه د اغلې ثنا اعجاز خور چې د دې جلسې ټول انتظامات د دې په نګرانې کي شوي وو هم مننه کوو چي ټول انتظامات يې ډېر په پرمختللی په پياوړتيا او ښه انداز تر سره کړو.
موږ د پښتون خواه وطن د ګوټ ګوټ څخه دې جلسې ته راغلو د پي ټی ايم د ملګرو څخه هم مننه کوو چې دوۍ د رياست له اړخه جوړ شوي ټول خنډونه مات کړل او دې جلسې ته يې ځانونه را ورسول او د هغو ملګرو هم مننه چي په سوشل ميډيا زموږ غږ د نړۍ ګوټ ګوټ ته رسوي.
که څه هم رياست د دې جلسې ناکامه ولو هره هڅه وکړه، زمونږ ملګري یې تنګ کړل ،ګرفتار يې کړل ،په چيک پوسټونو يې بې عزته کړل ، خو پښتانه بيا هم ډېر په مړانه د پي ټی ايم سره ودريدل او د ملي شهيد ارمان لوڼي لپاره را جوړه شوې دا جلسه يې کاميابه کړه .
د ظالم او د ظلم په ضد به زموږ مزاحمت هم دغه رنګه دوام داره وي .
يو ځل بيا ستاسو د ټولو شکريه د زړه له تله ادا کوم .
ملي شهيد ارمان لوڼي ته عقيدت ګلونه وړاندې کوم .
پښتانه افغانان زنده باد
پي ټی ايم زنده باد
مزاحمت زنده باد ✊
#PashtunLongMarch2Peshawar
